त्रिभुवन विश्वविद्यालयबाट गणित शिक्षfमा विद्यावारिधि उपाधि हासिल गर्नु भएका प्रा. डा. लेखनाथ शर्मा त्रिभुवन विश्वविद्यालयको शिक्षा संकायमा गणित शिक्षा प्राध्यापक हुनुहुन्थ्यो । प्राध्यापक शर्मासँग शिक्षा क्षेत्रमा शिक्षण, अनुसन्धान, परामर्श र व्यवस्थापन/प्रशासन कार्यहरूका कुल ३८ वर्षको कार्य अनुभव रहेको छ । वहाँले सन् २०१७ देखि २०२१ सम्म नेपाल खुला विश्वविद्यालयको संस्थापक उपकुलपतिको हैसियतमा सेवा गर्नुभएको छ । नीति अनुसन्धान प्रतिष्ठानको कार्यकारी अध्यक्ष पदमा २०८१ जेठ १५ गते पदग्रहण गर्नु अघि वहाँ त्रिभुवन विश्वविद्यालयको प्राध्यापकको रूपमा प्राध्यापनरत हुनुहुन्थ्यो । यस अतिरिक्त, वहाँ त्रिभुवन विश्वविद्यालय प्राज्ञिक परिषद्को सदस्य र शिक्षाशास्त्र संकाय अनुसन्धान समितिको सदस्यको रूपमा कार्यरत हुनुहुन्थ्यो । प्राध्यापक शर्माले नेपालका विश्वविद्यालय र विदेशका विश्वविद्यालयहरूबिच सहकार्यमा आधारित विकास तथा अनुसन्धान परियोजनाहरुको संयोजन र नेतृत्व गर्नुका साथै शिक्षा, विज्ञान तथा प्रविधि मन्त्रालय र विश्वविद्यालय अनुदान आयोगद्वारा गठित शिक्षा नीति तथा कार्यक्रम निर्माण र कार्यन्वयनसँग सम्बन्धित विभिन्न समितिहरूको संयोजक र सदस्यको रूपमा सेवा गर्नुभएको छ ।